Бастауыш сынып онкүндігі аясында 18-сәуір күні бастауыш сынып мұғалімі Сәрсенбай Жансая Ботақызы 1"Е" сыныбында Жаратылыстану пәнінен "Табиғи дыбыс көздері" тақырыбында ашық сабақ өткізді. Ең алдымен сабақта оқушыларға психологиялық ахуал тудыра білді. Үй тапсырмасын қайталау кезінде "Құмсағат ойыны" әдісін қолданды, Жаңа сабақтың басында, тақырыпқа байланысты видеосабақ көрсетілді. Сабақтың ортасында жұптық тапсырма, ұжымдық тапсырмалар берілді. Тақырыпты қорытындылау барысында "Фотоаппарат ойыны" әдісі арқылы балалардың білімі тексерілді. Оқушылар сабаққа өте белсене қатыса білді. Жаратылыстану пәніне деген қызығушылықтары одан әрі арта түсті.

Бастауыш сынып мұғалімдері әдістемелік бірлестігі онкүндігі аясында бастауыш сынып мұғалімі Жанибекова Т.Е. 1 “Г” сыныбында ана тілі пәнінен “Тау.Заттың қимылын білдіретін сөздер” тақырыбында ашық сабақ өткізді.

1 – Мамыр халықтар достығы күніне орай мектебімізде Ұлттық құндылықтарды дәріптеу мақсатында, Елорда халықтық хор ұйымының ұйымдастыруымен "Өнерім - өмірім" атты концерт өткізді. Мектебіміздің оқушылары үлкен ата-апаларымыздан үлгі - өнеге ала білсе нұр үстіне нұр болар еді. Бүгінгі жастар ертеңгі елдің – тұтқасы.

24 сәуір күні мектебімізде "Білім жолын бастаған,бастауышым бастамам " атты онкүндігінде 4 "Д" сынып оқушыларымен әдебиеттік оқу пәнінен "Бейбіт өмір тамаша" тақырыбында мұғалім: Нуржанова Гульбахыт Абдисадыковна ашық сабақ өткізді. Сабақта цифрлық ресурстар толығымен қамтылды.Сабақ жоғары дәрежеде өткізілді.Оқушылар белсенділікпен ат салысты.

14.04.2023ж. Ғылым апталығы аясында т.ғ.к., профессор З.Е.Колумбаева 62-ші мектеп —лицейінде «Мамандық таңдаудың 5 қағидасы» тақырыбында тренинг—семинар өткізді. Онда мамандық таңдаудағы заманауи 5 қағида нақты талданды. Тренинг—семинар барысында оқушылар бойындағы 5 қабілет—қасиеттері жаздырылып, оны толықтыруға кеңес берілді. Сонымен қатар, мамандық таңдау тек 10-11-ші сынып оқушыларына ғана емес, жұмысы барларға да қатысты екені айтылды. Мамандық таңдау өзің айналысқың келетін жұмысты таңдау ғана емес, өзің араласқың келетін ортаны таңдау. Қоғам дамыған сайын мамандықта өзгеруде. Сол себептен де, жастар арасында ой салатын семинар—тренингке оқушы жастар, өз сұрақтарына жауап алғандары жайлы кері байланыс берді.

Астана қаласы әкімдігінің «Әдістемелік орталығы» МКҚК ұйымдастырған «Психологтардан челлендж» бейнероликтер байқауына қатысқан 103 педагог-психологтің ішінде мектебіміздің педагог-психологі Аяулым Құдайбергенқызы III дәрежелі дипломмен марапатталды. Аяулым Құдайбергенқызын бүгінгі жетістігімен шын жүректен құттықтаймыз! Әрқашан биіктен ғана көрініп, жеңісті күндеріңіз көп болсын!

Республика көлемінде Шахмат ойнау челенджі алғаш рет ұйымдастырылды. Осы аталған челенджге мектебіміз өз үлесін қосты. Челендждің мақсаты - шахмат арқылы балалардың зияткерлік және ақыл-ой қабілеттерін дамыту. Аталған танымал спорт түрі ары қарай жалғасын табады.

Біздің оқушыларымыз Баянов Родион, Черняк Роман және Пархоменко Виктория үстел теннисінен қалалық турнирге қатысты. Біздің дарынды оқушылар турнирде жеңіске жетіп, жүлделі орындарға ие болды! Черняк Роман мен Баянов Родион 1 орынды, ал Пархоменко Виктория жүлделі 3 орынды иеленді. Біз шәкірттерімізді мақтан тұтамыз және олардың жаттықтырушысы Дөрбетхан Ерланға турнирге дайындағаны үшін алғыс айтамыз. Спорт тек денсаулық емес, сонымен қатар тәртіп, табандылық және командада жұмыс істей білу екенін атап өткіміз келеді. Біз оқушыларымыздың спорттық және салауатты өмір сүруін қолдаймыз және олардың осы салада табысқа жетуіне тілектеспіз!

Ғылыми-жобала мен олимпиадаларға қатысатын оқушылар ғылыми-практикалық конференция өтті. Конференция барысында оқушылар өзін-өзі бағалау, қарым-қатынас дағдыларын арттыру, алаңдаушылық деңгейін жеңілдету, сондай-ақ қиын жағдайларда сенімді мінез-құлыққа тәрбиелеу мақсатында мектеп психологы Борсукбаева Б.Ж. өткізді.

Мектебіміздің 9 сынып оқушылары "Талдыкөлдің қазіргі жағдайы" тақырыбында Руслан Оразалиевпен кездесу өткізді. РУСЛАН ОРАЗАЛИЕВ АСБК ғылыми қызметкері "SOS Taldykol" им және "Menin Elim Dala"ҚБ сарапшысы. Мектебіміздің 9 "Б" сынып оқушылары Тулегенова Салтанат пен Дидар Айша Талдыкөлдің қазіргі жағдайын зерттеп, ғылыми жоба жазу үстінде. Ғылыми жобаның жетекшісі география пәні мұғалімі, педагог-шебер Тургамбекова Алма Базаргалиевна. Алма Базаргалиевна мен оқушыларымызға зерттеу барысында сәттілік тілейміз.

Математика пәнінен 3-4 сыныптар арасында өткізілген "Алтын Сақа" олимпиадасының қорытыныдсы бойынша мектебіміздің 3 "М" сынып оқушысы Семикопов Михаил грамотаға, 4 "И" сынып оқушысы Скайратян Эдуард 3 орын, 4 "О" сынып оқушысы Шайхислям Әбілқайыр 3 орынға, 3 "З" сынып оқушысы Газдиев Абдулла 3 орынға ие болды.

Шаттық 2023ж байқауының қорытындысы бойынша мектебіміздің қоржынына түскен жүлделер!!! ✅ Алтын медаль иегері Әбдірахман Дария, жетекшісі Омарова Гайни Мукановна ✅ Қола медаль иегері Рамазан Мөлдір жетекшісі Делегат Айман. ✅ Дипломант: Жарова Нұрай, жетекшісі Мадибекова Салтанат Зиятбековна. ✅Дипломант: Бурахан Айым, жетекшісі Делегат Айман. ✅Дипломант: Нишанбай Сабира, жетекшісі Делегат Айман.